قره ننه(مادر بزرگ)
- یل گلنده آسمان تاقلاندا
بلوت گزلر یاشدان دولا داشاندا
آخارلارا سو که یولا دیشاندا
اونا سورا اوشاغلیگدان یاد اولا
ایرگمزده بو گینلره شاد اولا
- گئچنلرمز وارسه آچه گئچده
اوشاغلیگدان تا قوجالیگ قئچده
بیچینلرمز یامان گینلره سئچده
گئچن گینلر هرنه که آچه گیندر
قصه لره بیر بال تکن شیریندر
-گین گلنده داغ بلندن چخاندا
مش قربانین باغنا بیر باخاندا
اوشاغلارین وارسه که اویاندا
اونا سورا واره یولا دیشیردیگ
بنه ی عباسه بیر بیره تکیردیگ
- اوشاغلیگمز هنه ده باغ ایچنده
مش قربانین کلگسه ده ایسنده
بیر ایکمز قلاغمز الینده
هرنه یدیگده قارنمیز دولماده
هاچان گئجیده حالیمز اولماده
-سحر اولاندا کیم یاتمیش کیم اویاغدر
سلطان آباد مدرسسه ایراغدر
قشده اولا گینیزلره سیجاقدر
کیم نه بیلیرناقاد کتاب کنارسه یاننا قالده
نچه اوشاغ گلگسنده قوجالده
کیم نه بیلیر هارا اتشیر ریشسه
اسفندیار بواسنین بیشسه
خیش دزدن، آقاجلاره، تیشسه
قره ننه بوردا منده تانیش یوخ
سن بیلیری منمنن دانیش چوخ
زهرا باجی دنیا ایشه یازلمشی آله در
یایغ یائیر آیرانلاره دادله در
منوم دنیام میناسنین باله در
زهرا باجی یادی بخیر نیج اولدی
بیکلمدی ، گیجه اولدی گیج اولدی
قره ننه سنین گینین شاد اولسون
سنن سورا قصه لرین یاد اولسون
ترکی دئدیم واری بیله دیلومدر
قشقائیام آرمانومدر ، ایلومدر
به نظرمن یک شعر متوسطی بود.وزن یکدست ندارد.تخیل درآن نمی بینیم
و...
اقا حسین دستت درد نکنه شعرت واقعا قشنگه.مرسی ببم جان